Jasprit Bumrah: ముంబై ఇండియన్స్‌ను గుడ్ న్యూస్.. బుమ్రా ఎంట్రీ అప్పుడే?

Jasprit Bumrah ఐపీఎల్ ప్రారంభం కాకముందే.. బుమ్రా వెన్ను నొప్పితో బాధపడుతున్నాడు. ప్రస్తుతం బెంగళూరులోని నేషనల్ క్రికెట్ అకాడమీ(ఎన్‌సీఏ)లో బుమ్రా రిహాబిలిటేషన్ తీసుకుంటున్నాడు.

Jasprit Bumrah: టీమిండియా స్టార్ పేసర్ జస్ప్రీత్ బుమ్రా వెన్నెముక గాయంతో ఇబ్బంది పడటం వల్ల ఐపీఎల్‌కి దూరమైన విషయం తెలిసిందే. బుమ్రా రాక కోసం ముంబై ఇండియన్స్‌ జట్టుతో పాటు ఫ్యాన్స్ కూడా ఎంతగానో ఎదరు చూస్తున్నారు. అయితే మరో రెండు మ్యాచ్‌ల తర్వాత బుమ్రా జట్టులోకి రానున్నట్లు తెలుస్తోంది. కొన్ని రోజులు అటు ఇటు అయినా కూడా ఏప్రిల్ నెలలో అయితే తప్పకుండా జట్టులోకి వస్తాడని తెలుస్తోంది. ఏప్రిల్ 13న ఢిల్లీ క్యాపిటల్స్‌తో జరిగే మ్యాచ్ లేదంటే ఏప్రిల్ 17న సన్‌రైజర్స్‌తో జరిగే మ్యాచ్‌కి అయినా అందుబాటులోకి వచ్చే అవకాశం ఉన్నట్లు తెలుస్తోంది. ప్రస్తుతం బుమ్రా ప్రాక్టీస్ చేస్తున్నాడు. పూర్తి స్థాయిలో ఇంకా గాయం నుంచి కోలుకోలేదు. ప్రస్తుతం బుమ్రా ఫైనల్ రౌండ్‌కు ట్రై చేస్తున్నాడు. ఇందులో ఫిట్ అయితేనే మ్యాచ్‌ ఆడతాడని వైద్యులు అంటున్నారు.

ఐపీఎల్ ప్రారంభం కాకముందే.. బుమ్రా వెన్ను నొప్పితో బాధపడుతున్నాడు. ప్రస్తుతం బెంగళూరులోని నేషనల్ క్రికెట్ అకాడమీ(ఎన్‌సీఏ)లో బుమ్రా రిహాబిలిటేషన్ తీసుకుంటున్నాడు. ఎన్‌సీఏలోని బీసీసీఐ సెంటర్ ఆఫ్ ఎక్స్‌లెన్స్‌లో బౌలింగ్ ప్రాక్టీస్ కూడా మొదలుపెట్టాడు. కానీ ప్రస్తుతం పూర్తి స్థాయిలో బుమ్రా బౌలింగ్ వేయలేకపోతున్నాడు. ఇలా ప్రాక్టీస్ సమయంలో కూడా మళ్లీ ఎలాంటి ఫ్రాక్చర్ కాకుండా ఉండేందుకు బుమ్రా జాగ్రత్త పడుతున్నాడు. రోజురోజుకీ వర్క్ లోడ్ కూడా పెంచుతున్నారు. జనవరి మొదటి వారంలో ఆస్ట్రేలియాతో బోర్డర్ గవాస్కర్ ట్రోఫీ జరిగింది. ఈ టోర్నీలో చివరి టెస్ట్ మ్యాచ్‌లో బుమ్రా గాయపడ్డాడు. మ్యాచ్ మధ్యలో మైదానం నుంచి వెళ్లిపోయాడు. వెంటనే మన దేశానికి వచ్చి బెంగళూరులో చికిత్స తీసుకున్నాడు. అంతా బానే ఉందని మళ్లీ తొందరలోనే బుమ్రా కోలుకుంటాడని వైద్యులు తెలిపారు.

బుమ్రా ఛాంపియన్స్ ట్రోఫీ సమయం దగ్గరకి వచ్చినా సరే గాయం నుంచి కోలుకోలేక పోయాడు. బుమ్రాకి ఎలాంటి ఇబ్బంది కూడా లేకపోయినా బౌలింగ్ అయితే చేయకూడదని వైద్యులు తెలిపారు. దీంతో ఛాంపియన్స్‌ ట్రోఫీకి కూడా బుమ్రా దూరం అయ్యాడు. ఇతని స్థానంలో వరుణ్ చక్రవర్తిని తీసుకున్నారు. ఏది ఏమైనా టీమిండియా ఛాంపియన్స్ ట్రోఫీని గెలిచింది. అయితే ఐపీఎల్ సీజన్ తర్వాత భారత్ ఇంగ్లండ్ పర్యటనకు వెళ్లనుంది. ఈ సమయంలో జట్టులో బుమ్రా తప్పకుండా ఉండాలి. అందుకే గాయం పూర్తిగా తగ్గిన తర్వాతే బుమ్రాను మ్యాచ్‌లోకి ఆడనివ్వనున్నారు. ఇదిలా ఉండగా ముంబై జట్టు ఐపీఎల్‌లో మొత్తం మూడు మ్యాచ్‌లు ఆడింది. ఇందులో కేవలం ఒక మ్యాచ్ మాత్రమే గెలిచింది. కోల్‌కతాతో సొంత గడ్డపై జరిగిన మ్యాచ్‌లో మాత్రమే గెలిచింది. మొదటి నుంచి బౌలింగ్, బ్యాటింగ్‌లో సత్తా చాటింది. ఐపీఎల్‌లో ముంబై ఇండియన్స్ జట్టు 5 సార్లు ట్రోఫీ గెలిచింది. కానీ ఈ సీజన్‌లో రెండు మ్యాచ్‌లు వరుసగా ఓడిపోయింది.