Board Exams : టెన్త్, ఇంటర్, డిగ్రీ వారికి బోర్డ్ ఎగ్జామ్స్.. తల్లిదండ్రులు ఇలా వారికి హెల్ప్ చేయండి

Board Exams :

ఈ రోజుల్లో, బోర్డు పరీక్ష రాసే విద్యార్థులకు చాలా టెన్షన్ అవుతుంది. వారికి మాత్రమే కాదు వారు ఉన్న ఇళ్లలో కూడా చాలా టెన్షన్ వాతావరణమే ఉంటుంది. తల్లిదండ్రులు తమ పిల్లల గురించి ఆందోళన చెందుతున్నారు. అభ్యర్థులు పరీక్షల ఒత్తిడి, తల్లిదండ్రుల అంచనాలను ఎదుర్కొంటున్నారు. అయితే కొంతమంది విద్యార్థులు బోర్డు పరీక్షలు వస్తున్నాయి అంటే చాలు కేవలం వాటిని బోర్డు పరీక్షలు మాదిరి కాకుండా ఏదో పెద్ద పర్వతం ఎక్కడం మాదిరి ఫీల్ అవుతుంటారు. ఇవి నార్మల్ పరీక్షల మాదిరి కావు అంటారు. నిజమే ఈ పరీక్ష భవిష్యత్తు వైపు మొదటి అడుగు కాబట్టి ఇది ముఖ్యమైనది. కానీ ఇంత ఒత్తిడి మధ్య, మీ పిల్లలకు సహాయం చేయడం, మద్దతు ఇవ్వడం తల్లిదండ్రుల బాధ్యత. సో పేరెంట్స్ ఏం చేయాలంటే?

ఒత్తిడి: పరీక్షల సమయంలో మీ పిల్లలకు సహాయం చేయాలి. పిల్లలలో ఒత్తిడి ఉంటే గమనించి తగు జాగ్రత్తలు తీసుకోవాలి. కొందరికి అధిక ఒత్తిడి వల్ల వికారం, వాంతులు, జ్వరం, చిరాకు కూడా రావచ్చు. ఇవి మరింతగా నిరాశకు దారితీయవచ్చు. ఏ పరీక్షకన్నా తమ బిడ్డ ముఖ్యమని తల్లిదండ్రులు గుర్తుంచుకోవాలి. అలాంటి లక్షణాలు ఏవైనా గమనించినట్లయితే, మీరు పిల్లలతో మాట్లాడటం ముఖ్యం. అతని పట్ల మీకున్న ప్రేమ పరీక్ష మార్కుల మీద ఆధారపడి ఉండదని స్పష్టం చేయాలి. దీన్ని మీ మాటల ద్వారానే కాదు, మీ చర్యల ద్వారా కూడా వ్యక్తపరచవచ్చు.

మీ బిజీ షెడ్యూల్ కారణంగా, మీరు వారితో ఎక్కువ సమయం గడపలేకపోవచ్చు. అయితే, ఈ సమయంలో, పిల్లల మనస్సులో చాలా గందరగోళాలు రేకెత్తుతుంటాయి. వాటిని మీతో చెప్పుకునే వాతావరణం కల్పించండి. అందుకే కాస్త పిల్లలతో సమయం గడపాలి అంటారు. దీని వల్ల మీతో ఏ విషయాన్ని అయినా సరే ఫ్రీగా షేర్ చేసుకుంటారు. అప్పుడే మీకు వారి అవసరాలు, ఆందోళనలను వినే అవకాశం ఉంటుంది. సో వాటిని పరిష్కరించవచ్చు అన్నమాట. ఇక పరీక్షల సమయంలో ఇంటిని ప్రశాంతంగా, సానుకూలంగా, విశ్రాంతిగా ఉంచడం వల్ల పిల్లలు పరీక్షలకు హృదయపూర్వకంగా సిద్ధం కావడానికి సహాయపడుతుంది .

నిరంతరం చదువుకోవడం వల్ల పిల్లల మెదడు అలిసిపోతుంది. అందుకే వారు పుస్తకం తెరిచి కూర్చుంటారు కానీ వారి మనస్సు ఎక్కువ గ్రహించే స్థితిలో ఉండదు. కాబట్టి, చదువు మధ్యలో కొంత సమయం విశ్రాంతి తీసుకోవాలని చెప్పండి. చదువుకోవడానికి వారిని రిఫ్రెష్ చేస్తుంది. అయితే పిల్లవాడు రెండు గంటలు చదువుకున్న తర్వాత కనీసం 20 నిమిషాలు విరామం తీసుకోవాలి. చదువుతో పాటు, మనసుకు, శరీరానికి విశ్రాంతి ఇవ్వడం కూడా ముఖ్యం.

పిల్లలతో కాసేపు నడకకు వెళ్లండి. కొద్దిసేపు టెర్రస్ లేదా బాల్కనీలోనే నడవండి. ఇలాంటి కొన్ని సాధారణ విశ్రాంతి పద్ధతులను ప్రోత్సహిస్తే వారికి తేలిక అనిపిస్తుంది. మంచి అధ్యయన సెషన్, పరీక్షా పనితీరుకు తగినంత రాత్రి నిద్ర చాలా అవసరం. కాబట్టి, వారు అర్థరాత్రి వరకు చదువుకోవద్దు. ఒక మీ పిల్లవాడు ఇంటర్నెట్ మీడియాలో ఎక్కువ సమయం వృధా చేస్తున్నట్లు లేదా విశ్రాంతి పేరుతో తన స్నేహితులతో మాట్లాడటం వంటివి చేస్తే మాత్రం ప్రశాంతమైన ప్రవర్తనతో పెండింగ్‌లో ఉన్న చదువు వైపు వారి దృష్టిని తిరిగి తీసుకురావడానికి ప్రయత్నించండి. పరీక్షకు వెళ్లే టప్పుడు వారికి ప్రతి వస్తువు దగ్గరలా ఉండేలా, ఆలస్యం కాకుండా చూసుకొని మంచిగా తిని వెల్లేలా కూడా మీరే ప్లాన్ చేయండి. లేదా చాలా ఇబ్బంది పడతారు. కుదిరితే సెంటర్ వద్దకు వెళ్లండి.